احبه كثر ما احبه

[عزيزة النفس]

السلام عليكم ورحمة الله وبركاته
::

غريبه كيف درب الحب يبدا من نهاياته؟
وانا اللي قاعد انطر متى حبي بيبداني
::
عطيت العهد انا قلبي ادله في متاهاته
واظني ضعت عن قلبي او ان القلب خلاني
::
اهوجس للورق واكتب وتجحدني كتاباته
واستشهد بالواني ولاتشهد لي الواني
::
اشوف الليل ماهو ليل ماتت كل نجماته
هنا نجمه.....هنا نجمه وحزن انوارها اشقاني
::
كتبت الشعر لاجل انه الا ضمه وفا ماته
ابحلم في حبيبي كيف جاني وفيه عزاني
::
(احبه) كثر كذباتن تفاخر به على شفاته
(واحبه)كثر مايظلم وفي حبه تحداني
::
(احبه)كثر غلطاتي على قلبي وغلطاته
(واحبه)كثر مافكرت بالرجعه ولا امداني
::
(واحبه) كثر ماشاورت نفسي سوي سواته
(واحبه) كثر مايجري بدمي وسط شرياني
::
(واحبه)كثر مايحلا لقلبي ولي مناجاته
(واحبه)كثر ماحبه (واحبه)لو تناساني
::
(واحبه) كثر مافيني جنون وكثر حالاته
(واحبه)كثر حبه لي من اول يوم يبغاني
::
(واحبه) واحلف بربه (احبه) موت وحياته
(احبه) كثر مايبغاني بكيفه وسواني
::
ثلاث سنين اهو غايب وخطواتي وخطواته
تواعدنا على درب السماح ولابعد جاني
::
صبرت وجمل الله حال حال القلب بسكاته
كتم حزني ولكن الحزن في لمحتي باني
::
حبيبي سابقا وين الهوى ودتني سكاته
عساك تدلني دربن لشوفك كان وداني
::
ابي ارجع طريقي واستمع له ولاهاته
وبحكي له عن اللي صار ازود حزنه احزاني
::
حبيبي والهوى كذبه رحل لكن كذباته
الين الحين في قلبي تبلاه وتبلاني
::
ابسأل دام قالو القلب يرزق حسب نياته
علامه له ثلاث سنين وجرحه دوم هتاااني؟



مما رق لي

[((هاوي الشاص))]

ثلاث سنين اهو غايب وخطواتي وخطواته
تواعدنا على درب السماح ولابعد جاني
::
صبرت وجمل الله حال حال القلب بسكاته
كتم حزني ولكن الحزن في لمحتي باني
::

رائع القصيدة

[المهموم]

تسلمين على الابيات

[عزيزة النفس]

شاكره مروركم الطيب

[السيف المسلول]

مشكورة على النقل يالهاديه

والله يصبر هالشاعر أو المقيولة على لسانه.



أخوكم:

[فلاح]

الهاديه

يعطيك العافيه على نقل مارق لك هنا

[ابو فداء]

مشكوووووره يالهاديه

[عزيزة النفس]

مــروووركم آسع ــدني وآآنآآر صفح ــتي